المحنشة

المقادير
2/1كلغ ورقة البسطيلة
2/1كلغ لوز (250غ مسلوق ومطحون و 250غ مسلوق و مقلي في الزيت و نهمرشوه )
شوية مسكة حرة
ملعقة صغيرة قرفة
2/1كاس صغير ماء الزهر
250غ سكر سنيدة

مقادير السيرو
1كلغ سنيدة
2/1لتر ماء
2/1حامضة

تحضير العسل
تنعمل سنيدة مع الماء و الحامض في طنجرة الضغط فوق عافية مجهدة حتى تصفر ,انقصو عليها و نخليوها طيب 20 دقيقة

طريقة التحضير
يطحن اللوز مع سنيدة في طحانة الكفتة اتزيد عليه نصف الاخر ديال اللوز لمهرمش انخلط مزيان المقدير كلها (المسكة-القرفة-ماء الزهر)باش نشكل عقدة اللوز.



تنحربل العقدة على شكل قطبان طوال سمك 1سم


ناخدوا الورقة ندهنوها بالزبدة ورقة بورقة

نقسمو كل ورقة اثنين انوضع لعقدة على طرف لمقاد ديال لورقة اندير غير لفة وحدة و انلسقوا بالبيض.


من بعد ماخدمنا العقدة كاملة نقادو الحلوى فوق انية انرشموها كما تظهر على الصورة


تندخلوها الفرن تطيب و من بعد ما نخرجوها نسقيوها مباشرة بالعسل


ناخد قليل من اللوز نهرمشوه انديروه من فوق الحلوى ثم تنقطع المحنشة وحدة بوحدة و نقدوها في كويغطات الحلوى.


بالصحة والراحة