kitchen - Cuisine - مطبخ
  قطايف بسبوسه
 

هنا انا عامله الي بالدقيق بس
المقادير

كوبين دقيق
معلقه ص خميرة
م ص بيكنج بودر
رشه ملح
رشه سكر
ربع كوب لبن دافي للخميره
لبن بارد للعجن
نعمل الخميرة ونسيبها شويه
بعدين نعجن العجينه قوامها بيكون سائل شويه
نسيبها تخمر براحتها
بعدين نشكلها فطاسه تيفال



الحشو
مكسرات (لوز مجروش عين جمل مجروش فستق مجروش
زبيب جوز هند شويه سكر وم ص قرفه )
او تمر
او قشطه
او جبنه محلاه







بالنسبه للتمر لو كان طري نحشيه زي مهوه
لو ناشف شويه نطريه بزبده على النار
التمر الناشف اوي مينفعش طبعا
وده مبنسقيهوش بالشربات وطعمه جميل جدا اتمنى تجربوه
والباقي نسقيه بشربات
كوب سكر وكوب ماء مع عصرة ليمون
انا وزوجي بنحبها متحمرة كويس
وممكن ندهنها سمنه ونحمرها فالفرن







البسبوسه






نص كيلو دقيق سمولينا


علبتين زبادي



باكو بيكنج بودر


نص كوب جوز هند


تلت كوب سمنه


نص كوب سكر


فانيليا


نقلبها جيدا ونعجنها بلبن او الماء


ونحطها فالصينيه


ونحط عليها المكسرات


وندخلها فرن محمى 180


ولما تطلع نسقيها بشربات دافي


كوب سكر وكوب ماء وعصرة ليمون


ونسيبها تبرد شويه بعدين نقدمها












عيون الست

او رموش الست نفس العجينه بس التشكيل بيختلف

المقادير

كوب وتلات ارباع دقيق

نص كوب زبده

نص كوب سكر بودرة

4 ملاعق دقيق سمولينا

4 ملاعق جوز هند

نص م ص بيكنج بودر

بيضه ونص

فانيليا

نخلط الزبده والسكر كويس قوي

بعدين نحط البيض مع الفانيليا ونخلط كويس جدا

بعدين جوز الهند والسمولينا

بعدين الدقيق والبيكنج بودر

ونعجنها كويس

نلفها ببلاستيك فيلم وندخلها التلاجه ساعه

نشكلها اقراص صغيرة ونحط فالنص اي نوع مكسرات

ندخلها فرن حامي تاخد ربع ساعه

لما تخرج نسقطها فشربات خفيف سخن ونغمرها ونسيبها

عشر دقايق بعدين نصفيها








قبل دخولها الفرن ندهنها بيض مع شويه سكر او لبن

ولما تحمر من تحت نحمر وشها



اصابع زينب

المقادير

كوب دقيق

كوب دقيق سمولينا

معلقه خميرة

معلقه سكر

نص م ص ملح

ربع كوب زيت

لبن او ماء للعجن

نعجن المقادير ونسيبها ترتاح

عشر دقايق

نشكلها كرات صغيره

بعدين نفردها على مصفاه من ضهرها ونلفها

نريحها عشر دقايق مش اكتر

ونقليها فزيت ساخن وغزير

نطلعها ونزلها فشربات تقيل

كوبين سكر وكوب ماء مع عصير ليمون










جلاش بالمكسرات

قبل كده كنت قدمته بس ساده

دلوقتي هنعمله بالمكسرات


نجيب الجلاش

ونقطعه مستطيلات

الحشو

لوز محمص نطحنه ونحط معاه معلقتين شربات

نحشيه ونشكله مثلثات او اصابع

نرصها فالصينيه ونقدح شويه سمنه

ونرشها عليها

ندخلها فرن حامي

ولما تطلع نرشها بشربات تقيل ونقدمها

معلش صور الخطوات اتمسحت





لقمه القاضي


بصراحه انا مبعملهاش بمقدار بس هحاول اعطيكم مقدار جيد

كوبين دقيق

م ك خميرة

4 ملاعق نشا

معلقتين زيت وممكن نستغني عنها

م ك سكر

رشه ملح

ونعجنها بماء دافي

نعجنها كويس وندخل فيها هوا على قد منقدر

ونسيبها تخمر

نحضر شربات تقيل ونسيبه يبرد

لما تخمر نشكلها بالطريقه المعروفه ونقليها فزيت غزير ساخن

نطلعها على الشربات ونقدمها







اتمنى الاطباق تنال اعجابكم وكل عام وانتم بخير



لاااااااااتنسوا اولادي من الدعاء
 
  Today, there have been 21 visitors (33 hits) on this page!  
 
=> Do you also want a homepage for free? Then click here! <=